කළු යක් උපත

බඹසත් තුන් නෙත් ගනිදු                         තුමාගේ

වරමුත් ගෙන පවසන කවි                         රාගේ

වරදක් ඇත්මුත් හරිනු                           මෙමාගේ

උපතක් දක්වමි මෙ කළු                         යකාගේ

 

නිලුපුල්   විල් සැදි හිමාල                       වනමැද

                  කලු ගල් පර්වතයක් විය එහි                     සොද

                   ඒ විල් තෙර අධිපති කුවෙණිය                     ලද

                  සුරතල් දරු උපතක් විය මන                         නද

        

                දොළක්  එවෙනි කුමරිට හට                       ගත්තේ

                නොයෙක් රූචිර මස් බුදිනු                    කැමැත්තේ

                වතක් ඒ කළු පැහැ අදිනු                        කැමැත්තේ

                මෙලක්ෂනේ දොළ පසුවී                             ගත්තේ

                පුසේ නැකත දිනට                                 එකතු වේ

                තොසේ මකර ශනි රැස අව පෝ                 දින වේ

                මෙසේ නපුරු නැකතින්                            බිහිවූ වේ 

                මෙසේ හෙයින් කළු යකු නම් තැබු                     වේ

 රිද්දි බිසව් උපත

දීපංකර මුණිදුන් ගුණ                      තාපය

එපන් සියක් පිරිවර සැදී                   කීපය

රනෙන් දිලනෙ පුන්සද වැනි            රූපය 

උපන් තැනයි රන්ගිරි                        කූටය    

 

දුමක් නැගුනි උඩ මහමෙර                       එල්ල‍ේ

                                            එනුත් උපන්නයි බිසවරු                      ගොල්ලේ

ඉසිරි ගියේ වට පුපුරු                            සියල්ලේ

එනුත් අපන්නයි යක්ෂණි                     ගොල්ලේ

එර්දි වෙලා ගිය පුපුරු                        සතෙන්නේ

රිද්දි බිසෝ සත් දෙනෙකි                    උපන්න‍ේ

එර්දි වෙමින් රන් මාලිග                        උන්නේ

රිද්දි බිසෝවරු තෙද                         පවසන්නේ